Mas’uuliyiinta Mahadaay oo dalbaday in Shabaab laga dhacsho haddii kale degmada isaga baxayaan

Maamulka degmada Mahadaay ee gobolka Shabellaha Dhexe ayaa ka dalbaday taliska ciidanka xoogga dalka iney adkeeyaan amniga guud ee degmadaasi.

C/laahi Shafaawe oo ah guddoomiye ku xigeenka dhanka maaliyadda ee maamulka Mahadaay ayaa sheegay in ciidamada laga doonayo iney si wanaagsan ula shaqeeyaan maamulka cusub ee degmadaasi loo magacaabay.

“Mahadaay waxay ka mid ahayd degmooyinka ugu dhaqaalaha badan ee Shabellaha Dhexe, laakiinse maanta waxay ku jirtaa kuwa ugu liito sababtuna waa amni darrada…waxaan idin ka codsaneynaa in maanta aad naga ballanqaadaan inaad nala shaqeysaan 100%” ayuu yiri guddoomiye ku xigeenka degmada Mahadaay.

Dhanka kale, guddoomiye ku xigeenka ayaa ugu baaqay shacabka ku dhaqan degmada Mahadaay ee Shabellaha Dhexe iney la shaqeeyaan ciidamada ammaanka, si loo helo amni iyo horumar.

Al-shabaab ayaa maalmihii dambe waxay weeraro kusoo qaadayeen degmada Mahadaay, hase ahaatee DFS ayaa degmadaasi waxay geysay ciidamo xooggan oo ka tirsan xoogga dalka Soomaaliyeed.

 

NOO REEB FARIIN

Please enter your comment!
Please enter your name here